Oˈzbekistan jaslar awqamı hàm birge islewshi shólkemler menen birgelikte shólkemlestirilgen “Kópgúres” bellesiwiniń Qaraqalpaqstan Respublikası basqıshı bolıp ótti. “Kópgúres” àskeriy-watansúyiwshilik sport bellesiwine 17 qala hàm rayonnan jińimpaz bolǵan komandalar “Soraw-juwap”, “AKM” awtomatın bóleklerge bóliw hàm jiynaw, “Àskeriy biatlon”, “Oq jaydan oq atıw”, “Arqan tartıs” shàrtleri boyınsha óz ara kúsh sınastı.
Jarıs juwmaǵı boyınsha:
1-orındı Nókis veterinariya medicinası texnikumınıń “Jas kinologlar” komandası;
2-orındı Taqıyatas rayonı kàsip-óner mektebiniń “Qalqan” komandası;
3-orındı Shımbay rayonı kàsip-óner maktabiniń “Qalqan” komandası iyeledi.
Jeńimpazlar shólkemlestiriwshiler tàrepinen diplom, pul sıylıǵı hàm qımbat bahalı sawǵaları menen sıylıqlandı.