Texnikum Jaslar menen islesiw boyınsha  direktor orınbasarı Dj.Aytjanov G‘árezsizligimizdiń 35 jıllıq bayramı hám de taza oqıw jılı menen bársheni qutlıqlap keyingi sóz náwbetin texnikum ditektorı J.Kamalovqa berdi. Oz sózinde shıg‘ıp bayram tileklerin bildirip ótip, keyingi jıllarda elimiz jasların hár tárepleme qollap-quwatlaw, olardıń huqıq hám erkinliklerin qorg‘aw barısındaǵı jumıslardı búgin sheksiz maqtanısh penen ayta alamız.

Bizlerdiń insanıylıq qádir-qımbatımızdı, hújdanımızdı, dinimizdi, milliy mámleketshiligimizdi tiklep bergen g‘árezsizlik kúni watanımızdıń tariyxında barlıq waqıt eń jarqın kelbeti bolıp qaladı.

 Búgin jáhán dárejesinde elimiz haqqında sóz etkende “Jańa Ózbekstan” sózi tilge alınbaqta. Bul keyingi jıllarda rawajlanıwdıń ulıwma jańa basqıshına qádem qoyg‘anımız, erisilip atırg‘an salmaqlı jetiskenliklerimizdiń kórinisi.

Xalqımızdıń qúdireti tasqan házirgi zamanda Ózbekstanda jańa bir oyanıw – Úshinshi Renessans dáwirine ústin jaratılmaqta, desek, áyne haqıyqat boladı. Sebebi búgingi Ózbekstan – keshegi Ózbekstan emes. Búgingi xalqımız hám keshegi xalıq emes.

G‘árezsizlik jıllarında basıp ótilgen jollarg‘a názer taslap, erteńgi kúnimizge, óz kúsh hám  imkanıyatlarımızg‘a bolg‘an isenimimiz jánede artpaqta. Mámleketimizdi rawajlandırıwdıń Háreketler strategiyasına muwapıq barlıq tarawlarda ámelge asırılıp atırg‘an reformalar sheshiwshi kúsh bolmaqta.

Jas áwlad tárbiyasında sheshiwshi orın tutatug‘ın texnikumlar sistemasında hám úlken ózgerisler ámelge asırılmaqta.

Bayram dástúri qatnasıwshıları oqıwshı hám pedagoglardı bayram múnasibeti menen qutlıqlap ótti.