Замонавий таълим тизимида ахборот-кутубхона хизматлари ўқувчиларнинг интеллектуал салоҳиятини ривожлантириш, мустақил таълим кўникмаларини шакллантириш ҳамда китобхонлик маданиятини юксалтиришда муҳим аҳамият касб этмоқда. Шу нуқтаи назардан, Тахиатош тумани 1-сонли техникумининг Ахборот-ресурс маркази таълим жараёнининг ажралмас бўғини сифатида самарали фаолият юритиб келмоқда.

Ахборот-ресурс марказида ўқувчилар ва педагоглар учун кенг имкониятлар яратилган бўлиб, марказ фондида мутахассислик фанларига оид дарсликлар, ўқув қўлланмалар, илмий-оммабоп адабиётлар, бадиий асарлар, ҳуқуқий, маънавий-маърифий ва энциклопедик нашрлар жамланган. Бу эса фойдаланувчиларнинг ахборотга бўлган эҳтиёжини тўлиқ ва сифатли қондиришга хизмат қилмоқда.

Марказда қулай ўқув зали, электрон ахборот ресурсларидан фойдаланиш имкониятлари, интернет тармоғига уланган компьютерлар ҳамда замонавий ахборот-коммуникация технологиялари жорий этилган. Бу ўқувчиларнинг мустақил изланиши, илмий-тадқиқот ишлари билан шуғулланиши ва рақамли таълим ресурсларидан самарали фойдаланиши учун мустаҳкам замин яратади. Замонавий Ахборот-ресурс марказларининг асосий вазифаларидан бири ҳам фойдаланувчиларни босма ва электрон ахборот ресурслари билан таъминлаш ҳамда мустақил таълимни қўллаб-қувватлашдан иборат.

Ахборот-ресурс марказида йил давомида «Энг фаол китобхон», «Китобхонлик ҳафталиги», «Янги китоблар тақдимоти», адабий кечалар, маънавий-маърифий учрашувлар, китоблар кўргазмалари ва турли танловлар мунтазам ташкил этилади. Бу тадбирлар ўқувчи-ёшларнинг китобга бўлган қизиқишини ошириш, уларнинг дунёқараши ва маънавий салоҳиятини юксалтиришга хизмат қилмоқда.

Шунингдек, Ахборот-ресурс маркази педагог ходимларнинг касбий маҳоратини ошириш, дарс жараёнини илмий ва методик адабиётлар билан таъминлаш, таълим жараёнига инновацион ёндашувларни жорий этишда ҳам муҳим ўрин тутади.

Тахиатош тумани 1-сонли техникумида Ахборот-ресурс маркази фаолиятини янада такомиллаштириш, китоб фондини бойитиш, электрон ресурслар базасини кенгайтириш ҳамда замонавий ахборот-кутубхона хизматларини ривожлантириш бўйича изчил ишлар амалга оширилмоқда.

Ахборот-ресурс маркази — бу шунчаки кутубхона эмас, балки билим, маърифат, тафаккур ва инновациялар сари етакловчи замонавий интеллектуал макондир.